自從「導遊阿珍」事件後，港府同旅遊業議會推出好多措施，想挽回外界對香港旅遊業信心，但不時仍有旅行團爭拗事件上報，好似近日網上流傳一條短片，今次就係導遊同旅遊巴司機吵大鑊，仲搞到司機落車罷駛。
一開始女導遊帶團友登上旅遊巴後，隨即拋下一句：「一陣間你去邊度？你過海丟低我！」旅巴司機話唔啱公司規矩，一口拒絕，二人開始對罵。司機批評導遊冇按時帶團友上車：「玩到咁夜我都未出聲，仲要我車你返屋企？」女導遊就解釋，因團友食飯和上船都要排隊，反駁話：「你以為我鍾意咁夜㗎？」搞到司機嬲到爆落車罷駛，要同導遊落車對質，最後要車上團友做和事老。有網民認為司機「發細路仔脾氣」，但亦有人認為如果導遊態度好啲，就可避免不必要誤會。