近季喺西甲中下游浮沉嘅貝迪斯（綠白衫）全面回勇，佢哋禮拜一主場以2:1反勝榜尾馬拉加，賽後以59分繼續排第五，提前三輪鎖定下年嘅歐霸參賽資格。不過，貝迪斯對上一次出戰歐霸係13/14賽季，但佢哋因為應付唔到兩邊戰線，最終落得包尾降班嘅下場。所以有得打歐霸都唔知係好事定壞事，不過𠵱家隊內有查維加西亞、馬斯巴查呢啲實而不華嘅球員，陣容比當年勁。