周日法甲爆出冷門，提前奪得聯賽冠軍嘅巴黎聖日耳門（PSG），主場只能夠以2:2逼和甘岡，今季第一次喺聯賽地頭出擊攞唔到三分。甘岡嘅魯杜域巴拉斯同埋恩特分別喺45同68分鐘入波，令PSG意外落後0:2。不過卡雲尼完場前連省兩粒，PSG先執番分。入完兩粒，卡雲尼喺法甲累積入咗115球，令佢超越入113球嘅伊巴謙莫域，成為PSG嘅聯賽入球王。