鄧健泓（Patrick）「阿泓演唱會2018」前晚在旺角麥花臣場館舉行，穿上粉紅色西裝出場的他，提及過往到夜場唱歌經歷：「我喺夜場唱《朋友二號》試過畀人掟番茄、酒樽同煙頭，我決定以後唔再唱呢啲歌。」之後他又提到老婆石詠莉：「我好愛呢位女歌手，因為佢成日用我嘅歌。」
覺得好幸福
石詠莉出場時說：「嗰時初初同鄧健泓拍拖，啲人同我講小心啲，佢好花弗，我同佢一齊五年時間，我嫁咗畀佢，我覺得自己好幸福，從來冇遇過一個咁愛我嘅男人，係佢完整我嘅人生。」她唱出《完整》時，更一度眼濕濕。Patrick完騷後受訪，直言不怕老婆嬲：「佢好大方，佢知道晒我失戀嘅嘢，有一期成日飲酒賣醉，佢都知嗰時係同原子鏸分手。」
採訪：盧妹
攝影：林賓尼