斯洛伐克國腳史卡迪爾出晒名唔錫身，現效力土超費倫巴治嘅佢周日正選上陣作客卡森柏沙，喺上半場意外同主隊球員頭撞頭，血流如注染到成件衫都係。但史卡迪爾就要繼續踢，只係叫隊醫幫佢作簡單包紮，而半場休息時再縫咗五針，最終忍痛踢晒全場，幫球隊贏4:1，而佢之後就要入醫院縫多五針，頭頂仲留低一條深長血痕，真係睇到都驚，亦都睇得出呢位斯洛代克隊長有幾鐵漢。