剛攞完兩場一級賽嘅潘頓，除咗今日（30日）一早清晨五點半到場操馬外，更一口氣連操八隻馬，戰意相當濃厚，而佢同雷神莫雷拉暫時只差六場頭馬，似乎對今季冠軍騎師寶座垂涎欲滴。
除對頭場「赤水神駒」特別關注外，潘頓替沈集成馬房的「最驫」操馬時落足心機，而且練者亦特意落機坪，一同商討對策及談及狀態。
「最驫」今季多次在沈集成徒弟巫顯東胯下走入前三名，可惜仲未能出頭，而近兩戰分由黃皓楠及吳嘉晉接手後，成績大幅倒退並今仗首次落四班作賽，配搭即強用潘頓，睇吓呢次喺周三（5月2日）晚第三場四班1200米入面，會唔會嚟個變身。