呢個暑假，年輕人多咗個實習機會，就係做司局長嘅「跟班」，雖則係一日咁多，但一眾司局長都好重視，繼政務司司長張建宗早前粉墨登場招生後，娥班子高官紛紛搵出陳年舊相製作短片，帶大家坐上時光機，重回各自未做高官嘅那些年，主要都係啟發年輕人向夢想出發，他日嘅司局長，可能就係「大家」。
越老越有兄弟相
八方睇過短片，有啲局長除咗頭髮少咗，似乎幾十年如一日，好易認（除咗成年張建宗，相信聶德權、楊潤雄、羅致光、羅智光同劉怡翔都好易此中尋），但有啲都要睇多兩眼先至有頭緒。
大家不妨考吓眼力，睇吓連同楊偉雄、陳帆、黃錦星同陳茂波嘅10位少年身影中，大家認得幾多個？咦，仲有有幾位司局長冇亮相，唔通要等壓軸登場？不過話時話，張建宗、聶德權同陳帆越老越似樣，唔通高官都有樣睇？有興趣就一齊認人： https://www.facebook.com/lifebuddieshk/videos/980545935438105/
李八方