爆相爆片：
馬尾女好腳法　36秒連踩4人腳

藍田近日出現一個專踩人腳嘅奇女子，街坊關小姐爆料話自己遇過4次咁多！上月底一個朝早，關小姐又撞到位奇女子，就決定拍低呢個踩腳奇觀，結果見證咗奇女子「喺36秒內連踩4個人」。呢位奇女子有一把長髮、紮馬尾，膚色好白，每次都搵迎面擦身而過嘅途人「落腳」，令人防不勝防。
佢話，舊年年尾已經喺藍田麗港城通往港鐵藍田站嘅天橋，俾奇女子踩咗一腳，關小姐話好多街坊見到佢都會避開，但佢唔踩老人家，踩完人就扮無嘢走開。
奇女子一開始踩落OL度，影片第6秒佢又踩向一個男人，個男人縮得切冇被踩中。跟住奇女子踩向迎面女傭後踭，之後再有一個女仔左腳被踩中。關小姐跟到藍田港鐵站，「佢喺扶手梯又伸腳踩人。位女士俾佢踩到，打咗佢膊頭一下同鬧佢，佢就急急腳走」。