巴塞隆拿中場恩尼斯達周五召開記招，宣佈季尾離開效力咗16個球季嘅母會。33歲嘅「小白」恩尼斯達季尾離開已經係公開嘅秘密，禮拜五小白就正式開腔證實消息。雖然一直有消息話佢下季會轉戰中超，但佢就無喺記者會講啲乜。小白為巴塞上陣咗669場，射入57球，贏過四個歐聯同埋八個西甲冠軍。喺西班牙國家隊方面，佢都有125頂喼帽，預計會喺今屆世盃後退出國家隊。