2017至18年度香港各行各業嘅微笑指數，包尾嘅係運輸及交通服務業，當中俾人彈得最多嘅就係的士業。除咗早前有的士App同業界合作令佢哋大賺之外，平時真係好難見到的士司機嘅笑容。有讀者爆料話網上流傳一段短片，一名司機同旁邊架的士嘅司機互相對罵，的士司機因為掛住鬧交冇顧及路面情況，最後竟撞向前方車輛。
片段只有短短7秒，一開始已經係司機對的士司機對罵：「唔好畀佢停呀吓！」的士司機不甘示弱，反罵：「儍仔嚟㗎你，儍仔嚟㗎！」之後就傳來撞車聲，的士司機先發現撞咗前面架車。
雖然前車由讓線轉入正線，有網民認為係前車未有顧及路面而犯錯，不過亦有網民認為，只要能證明的士喺駕駛時未有顧及路面情況，就要為呢次意外負責。