排隊黨變招，以老人陣搶票，一班詐傻扮懵的老嘢在記者面前穿晒崩：黃子華開演唱會嘛，成家都中意聽佢唱歌啊。華神追加場次，黃牛進化成老牛，即場棟篤笑，玩謝真鐵粉。這樣啊，不如問吓這批為了幾百蚊唔記得醜字點寫的老嘢：
知唔知同股不同權是什麼？A貨華神搶答：「即係同一股，有權去唔同的公廁，無限制，打通方便大門，對小股民當然係德政。」
結束一黨專政，是否偽命題？老翻華神窒一窒，三秒後神回：「一定係英國佬留下來的蘇州屎，英國佬好鬼奸，想毒害學生，喺教科書做手腳，衰過日本仔N倍……乜話？一黨指共產黨嗎？噢，有習帝夠晒，習朝大時代，中國厲害了，無得輸！偽命題……呢三個字點解？係咪指漢奸？即係港獨，唔使審，拉佢！」
中國收回香港，措辭不當，華神再世，有乜建議？「立即改寫為：a中國令香港殖民帝國主義者嚇到尿床夾住包皮落荒而逃！b中國戰狼叫英國窮鬼脫光光滾出香江！c屁股指揮腦袋，中國屎忽超越了香港腦細，唔認命，等食屎！」