Asian Squat（亞洲蹲）一詞，代表喺蹲下時腳跟要完全着地，對於內地同胞嚟講，真係可謂駕輕就熟，但對其他人，又係咪咁輕而易舉呢？
一名嚟自法國嘅內地網絡紅人「鋼蛋」（信誓蛋蛋）早前就走訪法國同美國，測試外國人係咪真係唔識「亞洲蹲」（查實點解要做呢個測試嘅？），結果喺成個測試中，除咗一名亞裔女生同一名熱愛功夫嘅健碩男成功完成任務，其他都鎩羽而歸。有唔少網民笑言，真係中國歷史文化嘅傳承，有人話喎：「咩亞洲蹲呀，大陸蹲就大陸蹲啦！」另有網民疑惑：「咁外國人去踎廁會唔會都跌咗落屎坑？」但亦有人認為，只係因為外國人較少鍛煉髖關節，先至會跌倒箒，Kerry Yuen就笑稱，「國粹嚟㗎，外國人梗係學唔到啦！」
