麥明詩和姚子羚昨日在銅鑼灣一間內衣店展示新一系列內衣，麥明詩身穿黑色喱士中門大開，姚子羚露肩谷胸現身。麥明詩表明絕無加墊：「今日已經好收斂，覺得內衣承托力十足，想自然少少，唔想畀人感覺係賣弄性感，希望以自然體態見大家。」對於自己身材，麥明詩說：「接受咗唔一定要玲瓏浮凸先係靚，骨感美都好靚，大有大靚，細有細靚。為咗着內衣見人，專登清減咗幾日食少啲鹽，冇咁水腫。」問她在男朋友面前會不會這樣穿？她說：「會唔會太保守，呢件可以着出街，有其他更私密。少布又唔代表私密，着得多有時都幾過癮。」麥明詩早前被發現跟林作私會，她否認復合，指大家是朋友。
另外，姚子羚和前度鄭子邦分手後到橫店拍劇兩個月，心情已經平復，她說：「我哋保持朋友關係，keep住有聯絡，關係好好，唔係唔開心嘅分開，珍惜大家份感情。」子羚表示未準備迎接第二段感情。
採訪：卓寶花
攝影：陳俊強