熱刺嘅南韓前鋒孫興民（圖）今季幫球隊喺各項賽事入咗18球，表現真係出色。周二孫興民仲獲選2017年度「亞洲金球獎」；孫興民好開心咁話：「好榮幸第三次贏亞洲金球獎！希望下年又係我啦。」亞洲金球獎係由中國《體壇周報》喺2013年發起，而2017年就係第五屆，孫興民拎到157分，力壓第二嘅敍利亞國腳、應屆亞洲足球先生卡里賓。