禮拜日（29日）沙田女皇盃日一如以往，採用全闊A跑道競逐，睇番去季同日賽事，居中後上馬表現不俗，如「龍船鼓響」（姚本輝馬房）及「鷹雄」（大摩馬房）俱憑後勁從中後位置反先對手獲勝。
不過值得留意尾段場次卻由前置馬贏晒，其中「勇霸神駒」（高伯新馬房）、「新寫實派」（日本賽駒）、「獅子驄」（徐雨石馬房）更加一放到底，提防臨場壓地後形勢會逆轉。
今戰列陣馬中，頭場「開懷大少」（文家良馬房）兩次跑田A欄獲一冠一亞，亦係全場唯一贏過此移欄之參戰馬，憑較佳場地性能可秤先。
另外，尾場「綫路勇駒」（告東尼馬房）上仗正是於田A欄贏馬開齋，等番同一移欄再跑有力添食。