《復仇者聯盟3：無限之戰》昨日在港上映，大批香港擁躉早就撲飛先睹為快，有人請假撐場，而現場觀眾反應熱烈，由開場到彩蛋都不時歡呼拍掌，不論每位英雄登場抑或大戰場面，影迷也異常投入，除尖叫聲不絕外，不少女fans更哭成淚人，有「蜘蛛俠」湯姆賀倫超級擁躉手上印有Tom Holland撐場，日前還追到上海迪士尼樂園的紅地毯盛會見偶像。
梁小姐：
第一日預售就買。梗係會睇多次啦！雖然好難受，但係都會睇。
張小姐：
從山東來，一個鐘前在網上買，大約180人民幣。開頭和結尾都有哭。
Wilson：
知道預售，見到仲唔即刻買咩？等下集囉，咁我都預咗會係比較sad嘅。
採訪：吳家偉
攝影：廖達燊