香港地缺乏寫字樓用地，不過好快就有新場喇。新世界位於尖東嘅Victoria Dockside今日開幕，呢個由新世界執行副主席兼總經理鄭志剛精心打造嘅新場，原來都有幾多特色，想搵辦公室嘅朋友不妨留意吓。
Victoria Dockside之所以有呢個名，固然因臨近維港，而Dockside就係源於曾經係全球最繁忙港口嘅藍煙囪。而今時今日嘅辦公室就好似都市人第二個屋企，所以Victoria Dockside加入咗唔少環保同文化元素。
好似Victoria Dockside第一期落成嘅K11 Atelier大樓，就將玻璃幕牆同光伏太陽能電板結合，使大樓內最多五成照明電力，都係透過太陽能提供。此外，大樓內唔少裝修設計都用咗木材，木材嚟自回收船木，譬如大堂接待處同埋咖啡廳嘅木牆，咁就環保、文化兼備。
