某日在旺角朗豪坊，因有朋友推介吃燒餅油條鹹豆漿，還可以，當然沒在台北現做的地道好吃，而且略貴，「一套」加蛋要三十多元，燒餅酥脆但油條不行。說是台式名字，原來上海人開的。
之後我們一逛，均熟口熟面每個商場都有的店號和食肆，且多是大陸人當老闆，除街坊外又多大陸來客，四下都普通話。我們找個地方坐下來聊天，旁邊又是不純正口音──姊妹淘嗓音很大，又不忌諱旁人聽到。在旺角，男女都有點江湖味。
廿多卅歲艷女，甲乙二人路見不平也有點辛酸。
甲：「阿乜大肚，想嚟香港生仔咩？」
乙：「佢係都要生個『香港仔』，矜貴D。冇得衝㗎喇，不過有路數，順產咇出嚟六萬幾，話唔埋㗎，開刀就十幾萬喎。」
甲：「開肚啦，一陣個仔揩到就唔妥，自己知自己事。」
乙：「佢老公話全副身家得五萬，賤格到要佢自己搞掂。」
甲：「嫁X咗仲要自己搞掂？乜X嘢人渣呀？」
乙：「叫佢出番嚟做，一個禮拜兩日，其他時間湊仔。呢排要籌旗開肚，費事架生鬆晒。」
甲：「唉，生個『香港仔』巴X閉咩，母愛？咪做雞養雞仔！」
……