【本報訊】2016年大年初二旺角騷亂案續審，第三被告盧建民繼續自辯，自言是「毒L」，堅稱整晚獨自一人到場。控方指他經過佔中、朱經緯打人及七警後，對警察有既定負面印象，故當晚多番阻撓警察執法，但他即反駁「唔係印象，係事實」。控方表示「咁唔可以話香港警察都係差」，盧即指：「有好有唔好，正如律師都有好有唔好之分！」不少旁聽市民聞言即竊笑。
記者：蘇曉欣
綽號「光明」的被告盧建民昨接受盤問時，多番與主控針鋒相對。控方先質疑盧聽從本民前呼籲前往旺角，盧否認，並指甚少瀏覽與政治有關的facebook專頁。控方即指盧過往曾參與旺角反大媽及補選等活動，難信他甚少理會政治。
盧回應，他出席該些活動只為拍攝紀實，而補選活動則只是剛巧經過，又反駁：「好似我噚日去影啲南亞排隊買黃秋生，唔係，係黃子華嘅飛，唔通咁都叫參與？」控方反問盧當晚由10時留守至凌晨3時，只是為了拍照？盧同意。
被指向警擲雜物11次
控方於庭上播放盧拍下的現場片段，指盧多次阻撓警察執行職務，不但未有應警方要求退開，讓他們調查交通意外，亦沒聽勸告收細聲浪，認為盧對警察有既定印象。
盧即反問：「關我乜事？佢哋可以照做！」盧並指當時感現場警員「身為公職人員但基本禮貌都冇」，要求人群退開卻「連唔該都冇」。控方即反駁聽到片中有警員曾說「唔該」，隨即重播片段，惟片中警員僅不耐煩稱「褪後啲啦你」並無說「唔該」。盧看畢即數度強調當時警員禮貌欠佳。
至於食環職員，控方亦指盧無故謾罵職員，又追着職員罵他們戴口罩。盧解釋以為食環職員患病，「我點知佢哋有冇暗病？政府呼籲戴口罩唔好返工」，又否認曾追着食環職員，「我行咋嘛」。
控方又花了不少時間播放警方拍攝片段，11度指出盧建民向警方投擲雜物，盧均堅決否認。控方即時追問何以片中人與盧衣飾一樣，盧即更正控方說法「係近似」。
控方遂指片中人與盧均拿着一樣的相機腳架，盧亦反駁「我睇唔到牌子」，故無法回答。本周五續審。
案件編號：HCCC408/16