現年24歲嘅韓國「國民妹妹」IU，近日忙於拍攝tvN新劇《我的大叔》，喺劇中IU好慘情，開播不久就被債主暴打，雖然話拍戲，但粉絲睇到都好心痛。而上周三及四《我的大叔》播出第9集及第10集，當中第10集IU向男主角李善均告白而令到收視創新高，收5.824%。不過網民就對於第9集中飾演IU童年嘅小妹妹印象好深刻，仲喺網上議論紛紛。原來第9集飾演IU童年嘅小妹妹同IU細個時嘅嘅樣真係好似，網民都大讚劇組好有心思，唔係照IU現時嘅樣去物色小童星，反而係跟足IU細個時嘅樣去搵，大讚劇組好認真兼有心。