禮拜三（25日）晚谷草賽事用C跑道，睇番最近3月21日同一移欄賽事，前置馬仍然佔優，當晚放頭馬取得三勝三位佳績，包括「糖黐豆」、「紅旗星將」、「巴基小子」放頭入直路帶到，具前速之馬匹始終要優先留意。今戰列陣馬中，尾場「喜進」（方嘉柏馬房）上仗正是於3月21日谷C欄快放獲亞軍，等番同一欄位賽事再跑，兼且回配贏馬騎師潘頓，有力贏馬補中。另外，第二場「大四喜」（大摩馬房）跑谷中C欄一次即入Q，亦是全場唯一曾於此賽道上名的參戰馬，憑較佳場地性能有權再贏。