即將告別阿仙奴領隊一職嘅雲格，有傳將會去巴黎聖日耳門做球會主席，佢喺周日英超4:1大勝韋斯咸賽後承認，決定離隊嘅其中一個原因係受到太多自己球迷嘅批評：「我覺得好多人都想我盡快舉行葬禮，過去幾年我感受唔到我哋嘅球迷係同球會企喺同一陣線，我甚至覺得阿仙奴喺世界其他地方受到嘅尊重遠比英國本土為高。
我要多謝好多人，佢哋對我嘅讚賞多於我所應得，但過去亦有一啲批評遠多於我所應得，令我覺得非常複雜。」雖然雲格就嚟走人，不過佢今季簽返嚟嘅射手拿卡錫迪就應該幾享受喺兵工廠嘅日子，日前佢就同一位係屁股紋咗佢個樣嘅球迷合照，仲笑得鬼咁開心。