今季華倉最令人有驚喜，唔可以唔講吓人稱好好先生嘅呂健威，今季目前已取得32頭馬，早已超越上季23場數目，話唔定到季尾，埋單計數好似經濟術語咁來個翻一翻。
事實上，呂廐雖然已取得超標成績，但沒有放緩工夫跡象，留馬匹以有待下季先用。
好似今次周三（25日）谷中夜戰咁，此倉口三匹參戰馬，今天（23日）早上積極備戰，首先見梁家俊騎第五場「金碧輝煌」考驗，稍後蔡明紹替同場「紫電明珠」操練，而第二場「傳奇」則由羅理雅出試。
上述三匹呂廐戰馬，均安排往大跑道先後單試800米，威哥則在烽火台睇完各駒試跑後，拿拿聲趕去沙圈搵騎師查詢一番，動態相當肉緊，當然有吼實必要啦，睇嚟應有王者在其中。