政府推出，與司局長行埋，一日咁多。行埋一日遊既然不用錢，相信配額很快被內地排隊黨搶晒，然後炒黃牛。噢，呃讚遊戲開始了，位於中國南方的楊局長，近期幾紅，福字頭同鄉會只要給力，肯定會成為「行埋一日」的黃子華！唔嫁又嫁終於派四千蚊，一直抗拒做鬍鬚曾第二的茅波，雖然老婆官非纏身，一樣會被當街對區諾軒大爆「x你老母」那些保帝派支持者，推舉為司長級中的「港版印度良心」！唔係講笑！
一日遊，全包，識跟，梗係跟警隊一哥同行。坐上一哥專屬座駕，馳騁高速公路，交警搵一哥做人肉路障的機率係幾多？我信，有生之年，你一定遇到！激！
選擇跟陳帆同行，同學們預咗出軌或者甩轆，事但一樣都唔足以致命，信陳帆啦，比起將性侵教友惡行收埋14年的聖公會，相信陳帆唔使14年，更快回本！萬一西九翻炒溫州追撞事故又點呢？這個，教科書有寫嗎？措辭不恰當喎！同學們唔使考，懶鬼理佢。
還有名額的話，記得跟鄭若驊學兩手，大話精，中國收回香港前與收回香港後，同樣渴市。一世唔慌買到樓的同學仔，幾忙都記得報名同痕啊。