唐三藏要孫悟空才可以取西經，阿仙奴都要有雲格先可以拎英超，不過日前佢宣佈季尾走人終於要結束22年廠長生涯。
周日的英超兵工廠在主場四比一大炒韋斯咸，槍手水銀瀉地又贏一場，阿迷當然要向雲爺爺致敬啦。其實雲格在位22年，除了理財有道、發掘新星及建球場，這些老套難忘事之外，都仲有五件事好難忘。
(一)雲格愛拉鏈
小學的時候最多捉弄別人叫人把拉拉鏈倒轉讀，之不過原來雲爺爺，真係有個拉鏈癮。
(二)同摩佬隻揪
佢頂唔順摩佬，當年很勇武向摩佬挑機。英超教頭在指導區打交，雲格都算第一人啦。
(三)上奧脫福看台
第三係當年作客奧脫福就算被球證趕上看台，對住一眾魔迷都未驚過，怕你麼？
(四)教授氣派
佢本身係一位經濟學教授很多時候在場上生氣，開心又好都不失教授氣派。
(五)法式幽默
身為法國人的雲格好幽默架，佢講過：「如果你跟我出去一個晚上，你就知道我是一個願意花錢的人，是傳媒給我節儉的名聲，我的朋友不是這樣認為。」
不過家陣雲格教阿仙奴真是睇得一場得一場，大家好好珍惜啦。