周二英冠補賽上演前列大戰，由第七位的打比郡（圖）迎戰次席的卡迪夫城。打比郡曾經一度有機會爭直接升班，可惜因近況回落而排名節節後退，今迎卡城萬一再有閃失，可能連升班附加賽資格也失去，因此必拚。雖然卡城亦要搶分保直接升班位，但球隊今季作客一般，平手盤一於博打比郡「反底」。
「公羊」打比郡在季中曾一度連續六輪賽事排聯賽次席，升班形勢大好，可惜踏入二月之後，球隊表現明顯回落，近13場聯賽只得兩勝五和六負，目前以43戰得68分排第七，與第八位的賓福特同分並落後第六位的米禾爾一分，但少踢一場，因此，若要爭三至六位踢班附加賽，今迎卡迪夫城時就基本上不容有失。雖然打比郡近況麻麻，但幸好今役有兩名傷兵安祖斯韋文及中場卡斯龐馬可望復出擔正，兩人在上仗都已後備入替，配合主力如前鋒馬迪維達及中場巴特利莊臣等，打比郡有力與卡城一戰。
卡城目前以43戰得86分排第二位，領先第三位的富咸一分但少踢一場，由於狼隊已告封王，因此，直接升班位就只餘聯賽亞軍席位，為保次席，卡城今役戰意亦毋庸置疑。不過，卡城今季作客表現遜主場，今季聯賽作客只得10勝五和六負，勝率不足五成，而且中場祖爾禾斯及後衞艾殊利李察士又續因傷上陣成疑，今役就算不用讓波，亦不宜過份高估。
文：吾中