#MeToo掀起千重浪，發起人和報道者相繼獲獎。浪淘未盡，香港這邊隨機性的弱波石，終於遇着三百年一遇的大風浪，由#MeToo升級至#ChurchToo。一直左右時勢汲汲行埋威權的聖公會，由聖轉性，天堂接地獄的邪道是怎樣煉成？唔好問姓管那位公關，他最叻掃貨入市，分析中區邊度有筍盤好在行，問及聖公會的性侵醜事，公關拎警方做擋箭牌。報了警就唔方便講嘛，侍奉上帝的僕人，搵差佬過橋，點向上帝找數？
埋單計吓，聖公會將十四年前發生的性侵未成年教友的醜事，瞞得就瞞，主教認為，當年呢，咁呢，無辦法跟進嘅。隨從用公事包拍打記者鏡頭，於事無補，拿一兩個跟主教一樣年紀的老油條神棍祭旗，亦無補聖公會亂性的負面形象。唯有係事實的事實，是聖公會高層總動員，由星島集團與CCTVB直播含淚認罪道歉的視頻，強調從今以後，不褻瀆教友感情，絕不伸手入教友褲頭，永不從後撫摸，不撩交打更不會撩起衝動的下體。因信稱義，勇武認罪，是你們唯一的救贖。