求驗客手記:尼馬唔使棟枴杖喇 - 求驗客

求驗客手記:尼馬唔使棟枴杖喇 - 求驗客

效力巴黎聖日耳門(PSG)嘅球星尼馬二月右腳蹠骨骨裂,一度有擔心過連世盃都趕唔切復出踢,不過佢上禮拜六更新ig story拍片,就話康復進度理想,已經唔使用枴杖嚟幫手行路喇(小圖)。巴西喺世界盃嘅第一場分組賽係六月17號對瑞士,尼馬就話目標係五月17號可以通過所有測試,拎到醫生批准復出練波:「世盃我梗係唔想隔住電視機睇,同埋我想有足夠時間備戰,我𠵱家進度唔錯,復出嗰陣我會比受傷前更強!」PSG𠵱家喺法甲遙遙領先,尼馬都可以叠埋心水備戰踢世盃喇!