優雅低俗燈塔式競馬雜誌《水圍與巴黎》第六集上線喇！
喺今集裏面，Paris同家住大西北的天水圍首席吹馬家（好似係）阿秋，繼續同兩位特別嘉賓江碧蕙同蘇狄雄，大玩快問快答的搶答問題遊戲，從中測試佢哋對本地賽馬的認識。
結果已掛靴多年的Sherie江碧蕙越戰越勇，以後來居上的姿態掃低師弟阿Ben蘇狄雄，成功在《水圍與巴黎》封后。
事前講明有獎有罰，阿Ben願玩服輸，事後一手擸起由Paris特別炮製的暗黑飲料，仲飲到好似好過癮咁款。究竟阿Ben個飲樣係點，撳入嚟睇吓《水圍與巴黎》先啦！
圖片來源：《水圍與巴黎》第六集影片截圖