鮮浪潮電影節主席杜琪峯、出爐影帝古天樂和惠英紅等昨日到尖沙嘴，出席ViuTV新節目《鮮浪潮‧語 2018》記者會，杜琪峯感激惠英紅和「古趣趣」、即古天樂現身支持，他之後受訪時被問到為何叫古仔做「古趣趣」，他說：「佢個人咁有趣，又多嘢做，人見人愛，車見車載，咪叫古趣趣囉。」
問可希望跟古仔多合作？杜琪峯說：「大把機會啦，但合作要度到先得，佢又咁衰𠵱家攞到影帝，都唔知會唔會加價，有啲人會扮嘢㗎嘛。」難道指古仔扮嘢？他說：「唔係，係佢想扮唔識扮囉。」會否恭喜古仔攞影帝？他笑笑口說：「恭喜佢呀？點都要講，唔鍾意都要講，人哋攞咗呀，吹咩。好與唔好都各有各講法，不過佢對香港電影真係好大貢獻，出錢出力，亦照顧好多年輕導演。」
古仔冇諗執導
古仔表示暫未有機會跟新導演合作，問到可有興趣做導演？他表示未有此想法：「除非唔做演員，因為自己要放低演員身份，做導演要好專心。」
採訪：曹家誠
攝影：陳俊強