利物浦啱啱周四公佈2018/19球季主場新波衫，除咗繼續係傳統紅色兼玩復古，贊助商亦維持係New Balance，今次件衫仲有番領，好似Polo恤咁，而領上面同附近位置仲有啲白色條紋，概念嚟自晏菲路主看台重建後嘅建築設計。
紅軍仲贈送球迷優惠同搞搞新意思，專設印體現紅軍精神嘅新字體，有別於英超賽會本身要求嗰種字體，而且由即日起喺英國官網預訂的話，印埋球員名加號碼都只需要10鎊（約112港元）；另外，中文官網家陣都有得預訂，售港幣599蚊，印埋字就加多149.7蚊。
而且紅軍為紀念建會125周年，仲會捐出125件新波衫畀參與社區計畫嘅學生，希望更多人有新衫着。