優雅低俗燈塔式競馬雜誌《水圍與巴黎》第五集上線喇！呢次因屬特別號關係，所以會由今日（21日）開始一連兩天同大家見面！今次，Paris同家住大西北嘅天水圍首席吹馬家（好似係）阿秋，請咗兩位重量級人馬嘉賓上嚟，就係江碧蕙（洋名Sherie）同蘇狄雄（洋名Ben）呢對前騎師同現役騎師，大玩關於本港馬圈嘅快問快答、搶答問題遊戲，輸嘅一方就要飲一杯由靚靚人妻Paris特別「炮製」嘅飲品！（P.S.希望佢煮飯唔係咁嘅味道）兩位嘉賓咁賞面嚟，仲俾阿秋同Paris玩咁大整蠱，即刻撳入嚟睇《水圍與巴黎》啦！