【中環】
蔡一鳳早前宣佈成功為老公盛品儒陀B，為照顧好老婆，盛品儒現時經常跟蔡一鳳行孖咇，全程貼身照顧。日前約下午4時，樸素打扮的蔡一鳳，腳踏波鞋現身中環中建大廈，其間盛品儒一直陪伴，原來二人到上址做產檢，而蔡一鳳的主診醫生梁淑德，曾為郭晶晶、林青霞、盧淑儀及張栢芝等接生。
畀錢兼取藥
當日，盛品儒夫婦抵達診所，在輪候期間，盛品儒玩手機消磨時間，蔡一鳳則翻閱嬰兒雜誌解悶，之後二人入房見醫生，離開診症室後約15分鐘便離開，臨走前盛品儒還負責付款及取藥，蔡一鳳就如王后出巡，所有事都不用操心。
離開中建大廈後，盛品儒夫婦再拍拖行去太子大廈，原來去逛嬰兒用品店，二人先看BB車，再看床及BB衫，本來二人看中一架價值萬多元的BB車，惜盛品儒向店員查詢後，發現BB車要等兩個月才有貨，故最後沒有扑鎚買任何東西便離開。
拒透露性別
另外，早於上月大肚的蔡一鳳約待嫁的好友鍾欣潼（阿嬌）吃飯時，有傳她當時已陀B達五個月，換言之現在已經六個月。不過日前見她行街時，仍未見肚，《蘋果》聯絡蔡一鳳，她支吾以對解釋：「𠵱家先三個幾月，因為屋企人想低調，唔想我講太多。」據知，蔡一鳳已知BB性別，但依然口密不肯講，只開心表示有照超聲波，又說：「睇到BB喺肚中揈手揈腳好得意。」
採訪、攝影：梁繼光、朱志聰