有攝友教路，五個拍到靚相的方法。
靚相，今時今日，自然聯想到林鄭最叫人Ｏ嘴那一張，弱波石被海浪沖到自由行，港珠澳橋人工島幾時變漂流島？陳帆出軌和甩轆都溝亂，幫口解畫實死。這樣，睇相啦，有圖為證，拍到真相的照片，就係靚相。拍到弱波石「國家機密」這一張，直情靚揪！林鄭早早翻炒自己那句「咁唯有就係事實」夾着尾巴速逃好了。
做完人肉路障兼接告票的車主，最靚的相，唔使爬獅山、等藍眼淚、大棠追楓……只消長開車cam，360度睇晒警方如何將車主當水馬，靚車變廢鐵，人要自強變鐵人，才頂得住警方唔正常的「正常程序」。
航拍和車cam以外，普通人的手機也是靚相來源。709大抓捕維權律師的家屬劉二敏形容「手機就是我們的槍」。能夠飛快捕捉國保城管粗暴抓人的畫面，本身就是最高的藝術！大媽打人，大叔踹飛人，手機拍下這種戰狼武打鏡頭，轉發再轉發以光速瘋傳運行，林鄭還貶損一張相的威力？鄭若驊就是栽在一張僅拍到一條疑似通往地庫樓梯的照片上。迫大話精暗角現形的，就是普世價值的靚相。