禮拜六（21日）沙田七草三泥賽事，草地賽事繼續在最狹窄之C加3跑道上演。
睇番剛周日（15日）同一移欄賽事，後追馬絕對唔蝕底，不論走內欄「駿風馳」、「上市動力」，抑或走外欄如「佳運來」及「美麗寶貝」俱能後上建功，靠後勁食糊馬仍然要優先留意。
今次列陣馬中，第八場「彩福」（大摩馬房）五次角逐田C加3欄1400米獲兩冠兩亞，換潘頓跑番首本戲有力回復表現。
另外，第三場「育成天下」（沈集成馬房）跑田C加3欄一次即勝，反而在其他移欄從未上名，重返強項不能輕視。
至於泥地方面，近三次鴛鴦地賽事八場泥地賽，放頭馬勁取五勝兩位，僅一次唔上名，所以第二場「睡德福」、第五場「大步走」及第九場「豹子頭」等擅跑泥地之快放馬可秤先。