英國名模伊莉莎伯凱莉（Elizabeth Hurley）近年經常性感示人，雖然高達52歲仍keep到靚樣好身材，但因為經常於16歲囝囝Damian面前穿著性感而受到批評。最近佢就就社交網貼出新相，著魚網絲襪扮成性感女僕同囝囝合照，懶理他人目光。雖然佢打扮成咁係為節目做宣傳，仲有上手釦暗示SM嘅大膽情節，不過網民就認為呢啲畫面唔適合年紀咁細嘅青少年，尤其是佢嘅囝囝睇到。