adidas近年靠UltraBoost和Yeezy大紅大紫，剛剛品牌在尖沙嘴海港城再添一店。有別一般專門店，今次這間adidas FTWR Supply是名副其實的鞋款専門店，店中只集中sell鞋，是香港首間。新店面積唔算大，只有970平方呎，不過大細唔緊要，最緊要係有靚鞋，好像4月16日開舖第一日，就突然帶來之前早被搶晒的新色Human Race NMD，消息一出即時引來不少人排隊，相信為谷人氣，adidas或者都會不定期在此店發售大熱鞋款，鞋迷們要留意了。
另外，新店亦有買嘢優惠，由即日起至4月30日，只要買滿$3,000（最少兩對鞋，不包括襪及飾物配件），即獲贈adidas Repellent Spray一套（價值$169），雖然唔算係乜貴禮物，但都係鞋迷們必備的護鞋好幫手。另外，在指定日期內購買任何產品，亦可獲贈限量版adidas 經典鞋款貼紙一套。
記者、攝影：韓繼聰