大概對眼鏡有點興趣的人都會認識DITA，除了一向都是造工極佳的高級品牌代表，更多得《春嬌救志明》的張志明戴紅，令DITA在港人眼中更普及有型、更多人追捧，United賣極都斷市。不過張志明要長大，潮人要move on，品牌都要有新意，所以新一季DITA主力唔再係大熱咗幾年嘅中金鏡架，而轉玩其他款式，更用上不少創新設計和突出的工藝細節，來吸引潮人目光。
TOPOS和RIKTON-TYPE 402可說是盡顯功架，前者糅合DITA最先進的兩項生產技術，採用超輕的醋酸纖維板料，並使用創新的heat-tempering處理，使架身比起一般傳統醋酸纖維板製眼鏡為輕，提高舒適度和耐用度，而鏡臂就採用獨特的化學退火工藝，加強強度和舒適性。
RIKTON-TYPE 402則用上創新的變色雙透鏡結構，由內部有色鏡片和外部光致變色鏡片組成，能隨陽光變化，讓兩塊鏡片相互作用產生有趣多姿的變色的視覺效果。另外，鈦金屬鏡圈底部的坑槽，更有抗磨擦、抗灰塵和刮擦設計，相當精細，不過要留意的是雙鏡片雖然特別，但就難免會增加重量，舒適度有一定影響。
還有一款比較特別的是SIGLO，款式鏡形都看似普通，但其實卻在鏡臂與鏡框的連接處下方加入ACETATE CUT-OUT細節，透視出下層的金屬細節之同時，更可造成彎曲效果，來增加佩戴時的舒適度，觀感與實用兼備。如果想睇真幾款DITA新作，亦唔需要只靠呢度幾張相，因為Reddot-Optic由即日至5月4日，會在希慎廣場店就擺下TRUNK SHOW展示出DITA今季各款新品。最後都要講句，DITA眼鏡的確是設計手工兼備，不過呢，如果定價可以親民多少少少少，就好喇！
記者：韓繼聰
攝影：許先煜
全新旅遊專頁，即like籽想旅行： https://fb.com/travel.appleseed