娥班子話明要同社會connect，尤其要engage年輕人，身為行會成員嘅鄉議局主席劉業強都好關心當局使用社交媒體嘅情況，喺財委會開支預算提問中查詢民政事務局，過去3年喺fb專頁中排名最高同最低嘅帖子，結果一啲都唔令人意外。
民政事務局回覆若以「民政事務局」fb計，排名最高嘅帖係「『青年委員自薦計劃』推出嘞！」，相信大家對帖中登場嘅男神劉鳴煒同政務司長張建宗潮擺嘅「收藏」手勢記憶猶新！至於排名最低嘅帖，就係「支持本土文化！#劉江華局長今日到大坑坊眾福利會參與今年大坑舞火龍盛會」。想睇劉鳴煒定劉江華？唔使揀嘞啩，不過當局就冇提供兩位點擊率差距。