前日4月15日對民主派嚟講，認真意義重大，因為一個「未來特首參選人」，已經誕生！話說曾經代表民主派參選過特首嘅公民黨主席梁家傑，趁前日係黨友郭榮鏗（Dennis）生日，就喺Dennis嘅fb留言，除咗祝佢生日快樂，仲有更重要一句：So you are now qualified to run for CE！Go for it.
點解突然間會話Dennis夠資格選特首？原來生於1978年嘅Dennis前日係40歲生日，即係符合參選特首嘅年齡要求，難怪傑哥「忽發奇想，心有所屬」。八方問過Dennis點回應傑哥嘅訴求？佢冇閂後門，可圈可點話：「一切聽從黨指揮！」