大草原有蛇雖然唔出奇，但上周三（11日）澳洲一個小型馬場入面嘅草地上，就出現一位不速之客，原來係一條目測長逾六呎嘅大蟒蛇。
關於馬場有大蛇出沒，來自日本嘅騎馬人Masayuki Abe目擊整個過程，並說：「大約上午5時30分左右，我好似平時咁落場操馬。跑道管理員同我講，前面有隻好大嘅嘢，但因為距離太遠我聽唔清楚。加上平時馬場不嬲都有啲動物闖進，所以冇理會佢嘅說話。」
「不過，開頭個天實在太黑，我騎騎吓見到地面有一條大裂痕，點知望真啲，見到一條極長同粗嘅蛇係地下爬緊，目測大約六呎長左右。好彩我匹馬睇唔到，否則一定會受驚，搞到我墮馬。」
「起初，我以為條蛇好快走，點知跑多幾個圈都仲見到牠，嗰時嘅我真係驚到震。」
最後，呢條超過六呎長嘅大蟒蛇，在管理員引導下，已返回附近嘅大自然，事件中冇任何動物及人受傷。
圖片來源：互聯網