騎師潘頓（又名潘二哥）在周三（18日）谷中夜馬停賽復出，餓馬已久的他，今晨（16日）甫到場隨即上馬冒雨課馬。
一眾有賽程馬中，他首匹出試賀賢馬房隻第6場「百步穿雲」，其後替呂廐第8場「勁有波幅」等出試，操馬過程態度認真，睇嚟鞍上人已心中有馬。
列陣第六場三班1200米，賀賢馬房的「百步穿雲」在潘頓胯下單跳800米，步伐有勁，走來不浮不躁，成熟程度突飛猛進。
「百步穿雲」上次轉打谷戰以鼻位輸給「幸運興隆」跑入第二，表現大進步，今次再戰上名途程，賽前試大閘走勢吸引，勇熟有增無減，潘頓唔放手再騎，大有機會成為白武士，救救弱勢倉口，贏番一場頭馬。