人氣卡通片《Peppa Pig》主角Peppa趣致可愛，簡直係大人細路仔都鍾意！唔通得人鍾意，反而會惹關注兼猜疑？Twitter有網民就好疑惑，點解Peppa永遠都只係用粉紅臉頰嘅側面示人？正面唔見得人咩？於是發揮創意，嘗試幫佢設計正面嘅模樣。
點樣創作正面嘅樣先至似？原來當中大有學問！呢位網民以Peppa側面嘅形象為基礎，按角度同比例畫出佢正面嘅「廬山真面目」，結果……唔通「真面目」永遠都令人難以接受，佢竟然變成咗擁4隻眼、4個鼻孔嘅畸形豬。
呢幅Peppa正面相，引起網友議論紛紛，唔少人都大呼驚嚇，直指呢個網民創作嘅Peppa「令人不安」。唔知有啲靚女成日三七面示人，係咪都因為側面真係最迷人？