立法會食物安全及環境衞生事務委員會早排決定今年8月遠赴南美去巴西「睇肉」，研究當地對出口冷藏及冰鮮肉類和禽肉的安全及品質控制工作，當時已經有立法會議員表示想去巴西睇睇，不過睇完委員會秘書開出嘅「睇肉團」團費，八方唔知有冇議員會打退堂鼓？
原來委員會秘書初步開出嘅團費，如果搭經濟客位，每個議員盛惠37,621元，如果想舒服啲搭商務客位呢？每人就要79,369元！
雖然話團費已包機票、酒店住宿、膳食、市內交通、旅遊保險等等，但每個議員每屆任期外訪公費開支只有5.5萬元，換句話說如果搭商務客位，唔單止餘下任期外訪開支要自己畀，今次個trip仲要倒貼2.5萬元，就算搭經濟客位，以後可用嘅外訪開支得番萬零蚊，想再參加其他外訪，隨時亦要自己再畀錢！