練馬師高伯新今季成績反彈，目前頭馬數字23Win，已突破前季16勝及上季20場之數目。不過他似乎未有因此放軟手腳，近期繼續不斷有馬出擊，尤其田戰出王牌報名之馬匹就更勁。
近三次沙田賽事，高伯新分別有「吉利馬王」、「協勝神駒」及「有理共想」出王牌報名勝出或入Q，今次替一對近績佳之馬「閃耀駿駒」及「吉利馬王」出王牌，當然值得加倍重視。
第十場二班1200米泥地賽，「閃耀駿駒」今季轉投高伯新後兩度於田草1200米贏馬，上仗轉跑谷草縱使沿途外叠無遮擋競跑，仍能跑入一席季軍，可見近況甚佳。今仗雖然棄草跑泥，但此駒在上手徐雨石馬房曾兩次角逐泥地全勝未輸過，場地性能不用懷疑，今次負輕磅好跑，可望再憑後勁制勝。
至於第二場五班泥地1200米的「吉利馬王」加盟高伯新後仍未勝，不過上仗初跑泥地短途，即交出全場最快末段追入亞軍，今仗改由莫雷拉接手已擺明車馬，有力贏馬向幕後交代。