記者做live，要面對好多現場問題，一啲都唔容易，最近香港都有體育女主播做live時出事就知。最近喺澳洲黃金海岸，BBC嘅體育記者想訪問英國泳隊成員個陣，就好陰功豬咁喺live途中跌落水，做左英版海底奇兵。
話說最近澳洲黃金海岸就舉行緊第21屆嘅英聯邦運動會，BBC記者米克比素（Mike Bushell）就訪問一眾拎咗獎牌嘅英國游泳選手。而選手們就坐在喺水池邊，米克為左可以更接近佢哋，就諗住落水池行埋去選手身邊。點知佢見唔到水池底其實仲有一級，一下差錯腳就成個跌咗落，今次真係「唉濕哂，唉唔驚」同「支咪無喇，支咪無喇」而米克起身之後，都相當專業咁繼續訪問，點知啲運動員笑到收唔聲，唔知米克又會唔會覺得唔接受但又覺得唔可以點呢？