【晨操有路捉】追捧大喜訊騎師 隨時有意外收穫

【晨操有路捉】
追捧大喜訊騎師 隨時有意外收穫

意大利騎師沈拿在剛戰谷中夜馬賽事,策騎徐雨石馬房「好友益」再添一W,頭馬增至齊頭10場,結果能為長期留港搵食續牌成功(馬會今午(12日)1時左右作出相關公佈)。

他除了陣上拼勁可嘉之外,在晨課上,亦相當勤奮課馬,追捧呢位騎師隨時有意外收穫。

今朝晨課早上,蘇偉賢馬房第六場「醒目再臨」及賀賢第七場「亮先生」,便是由沈拿負責出試,考驗過程中均見其小心翼翼,態度認真,此兩匹周日(15日)沈拿之座騎不妨優先留意。

尤其是列陣第六場四班草地1600米「醒目再臨」,今晨在沈拿胯下單試,跳足1200米,馬匹走來甚醒神,比上仗爆大冷時更具好感。

課罷,騎、練二人在機坪會合密斟一輪,睇嚟有再接再厲之意。