早前IKEA推出平價充電池LADDA，引來唔少朋友大手掃貨，唔知道新推出的藍牙喇叭ENEBY又會唔會引來掃貨潮呢？新款ENEBY藍牙喇叭有8吋及12吋兩款型號，設計四四正正，提供黑白兩色沒有多餘修飾，貫徹北歐簡約設計風格。
音色如何就暫時未知，不過定價就幾平，如8吋版本價錢為49美元（約$385），而12吋版本則是89美元（約$699），幾百元買個擺得出廳的藍牙喇叭都確實幾抵。相比之下，8吋版本更提供手柄設計，方便拎到不同地方播歌，但電池就需另購，好在都只是定價20美元（約$157）。想第一時間買暫時就未得，新ENEBY藍牙喇叭資料雖已可在歐美IKEA網站搵得到，但香港方面就暫時未有相關資料，大家可能要等多一陣。
記者：布偉倫
全新旅遊專頁，即like籽想旅行： https://fb.com/travel.appleseed