搭飛機最怕隔籬坐咗麻煩客。話說本周一有班由泰國返港嘅泰航客機，乘客中有位奇女子竟然喺千呎高空之上、經濟客艙座位之中表演軟骨功，將隻除晒鞋襪嘅右腳高舉過頭，頂住前座椅背。據坐喺呢位奇女子旁邊幾個位嘅樓主話，其實一上機已經見到呢一幕，有乘客向機艙人員反映有臭味，人員亦有警告呢位操北方口音嘅國語大媽放返隻腳落嚟。
聲稱受傷 健步如飛
大媽則問機艙人員攞咗張被，試問邊個估到佢唔係想瞓覺休息，而係舉高咗嘅右腳見有啲凍，想攞張被包住。據樓主講，大媽聲稱腳趾公受傷，所以要舉高腳，放返落嚟會流血不止喎！空姐勸唔掂大媽，只能盡力安撫其他客人，喺機艙狂噴空氣清新劑，其他乘客亦可能免得阻住地球轉而啞忍。
到咗食飯時間，大媽居然又可以放返隻腳落嚟，食飽之後卻又繼續舉腳練功，落機時有個外國人忍唔住開聲用英文鬧大媽，可惜大媽聽唔明，一落機就健步如飛飆去咗。咦？又話受傷又話流血不止嘅？
識睇睇留言
Lai Wai Yee：喺外國，凡係國航候機閘，必定勁嘈又多垃圾，而且遠遠就有陣異味……所以就算機票平1/3，我都唔敢坐……
Chen Bebe：就算趾公整親都唔使遞到隻死人腳咁高㗎！！！自私大陸女人！
Ada Tsoi：對空氣清新劑敏感的我，一係臭死，一係窒息死，死硬。
John Wu：全程舉高腳坐都麻痹啦，仲健步如飛走。
資料來源：《蘋果》網頁