「Son姐你好，我有個好急切嘅問題要請教你這個HR專家，我係個FRESH GRAD，上年尾畢業之後搵到份大公司嘅MARKETING，但因為人事問題（3個月換咗2個上司），新上司都係新入職，嫌我煩成日要問佢啲嘢點做，覺得我幫唔到佢，所以最後我過唔到試用期。但我最近搵工，喺份CV到寫埋呢份未過試用期嘅工，𠵱家有2份工見， 但我唔識同HR解釋，希望SON姐幫幫忙，謝謝！PS：我嗰陣特登去阿姨屋企住方便返工， 因為我本身住嘅地方都算遠，我諗到其中一個原因就係搬返自己屋企住，但覺得說服力仍然不足。希望你可以抽空回覆，十分感謝！」
既然如此緊急迫切，為甚麼要到最後關頭的時候才問我？如果我來不及回答，你問了亦是白問。作為新人，所有事情都要重頭重新開始學習，不過首先要學的是學問。公司大人多部門多，明知你是新鮮人還是願意請，看中看重的，究竟會是甚麼？遇到問題，你有沒有嘗試自己去找方法解決？要問問題，會不會整合有系統地問？沒有經過思考的問題，是不會問得出答案的。如果不斷打斷上司工作問東問西，他嫌你煩很正常，倒不如自己做乾手淨腳。
我講過無數咁多次，面試不是角色扮演，honesty is the best policy!你這個職場新人遇着日日不知見幾多人的HR老鬼，你不是以為你的大話可以瞞天過海吧？只留下一個沒有誠信的壞印象。職場新仔頭幾份工還在摸索階段，揀錯做錯都是過程更加是經驗的累積。坦白承認自己不足之處，那份工作未如理想，記住不能講前僱主上司的壞話，只是查找檢討自己的不足，知道自己日後工作可以如何做得更好，就已經夠可取。經一事，長一智！